Rossiya Litva tashqi ishlar vazirini qidiruvga berdi

Rossiya ichki ishlar vazirligi Litva tashqi ishlar vaziri Gabrielyus Landsbergisni qidiruvga berdi. Bu haqda Bild xabar qildi.

Rossiya IIV o‘nlab yevropalik siyosatchilarni qidiruvga bergan, ularning aksariyati Boltiqbo‘yi mamlakatlari vakillaridir. Ular orasida Litva tashqi ishlar vaziridan tashqari Seym aʼzolari, Estoniya bosh vaziri Kaya Kallas, Estoniya davlat kotibi Taymar Peterkop ham bor.

Siyosiy baho, albatta, bu Ukrainani, yaxshilikning yovuzlik ustidan kurashini qo‘llab-quvvatlovchi odamlar uchun o‘ziga xos mukofotdir, — deydi Gabrielyus Landsbergis.

Bundan tashqari, Rossiya Ichki ishlar vazirligi Litva madaniyat vaziri Simonas Kayris, Klaypeda meri Arvidas Vaytkus va yana bir qancha litvalik siyosatchilarni qidiruvga bergan. Rossiya rasmiylari ularni “Sovet urushi yodgorliklarini olib tashlashda” ayblamoqda. 

O‘z navbatida, qidiruvga berilganlarning hech biri bu haqda rasman xabardor qilinmagan. 13-fevral kuni Estoniya bosh vaziri Kaya Kallas jinoiy ayblovlar bilan Rossiyada qidiruvga berilgani ma’lum bo‘lgan edi. U “sovet askarlari yodgorliklarini yo‘q qilish va zarar yetkazish”da ayblangan.