Россия Литва ташқи ишлар вазирини қидирувга берди

Россия ички ишлар вазирлиги Литва ташқи ишлар вазири Габриэлюс Ландсбергисни қидирувга берди. Бу ҳақда Bild хабар қилди.

Россия ИИВ ўнлаб европалик сиёсатчиларни қидирувга берган, уларнинг аксарияти Болтиқбўйи мамлакатлари вакилларидир. Улар орасида Литва ташқи ишлар вазиридан ташқари Сейм аъзолари, Эстония бош вазири Кая Каллас, Эстония давлат котиби Таймар Петеркоп ҳам бор.

Сиёсий баҳо, албатта, бу Украинани, яхшиликнинг ёвузлик устидан курашини қўллаб-қувватловчи одамлар учун ўзига хос мукофотдир, — дейди Габриэлюс Ландсбергис.

Бундан ташқари, Россия Ички ишлар вазирлиги Литва маданият вазири Симонас Кайрис, Клайпеда мери Арвидас Вайткус ва яна бир қанча литвалик сиёсатчиларни қидирувга берган. Россия расмийлари уларни “Совет уруши ёдгорликларини олиб ташлашда” айбламоқда. 

Ўз навбатида, қидирувга берилганларнинг ҳеч бири бу ҳақда расман хабардор қилинмаган. 13 февраль куни Эстония бош вазири Кая Каллас жиноий айбловлар билан Россияда қидирувга берилгани маълум бўлган эди. У “совет аскарлари ёдгорликларини йўқ қилиш ва зарар етказиш”да айбланган.