“Daryo” nashri bugun, 14-fevralda e’lon qilingan O‘zbekistonning ijtimoiy-siyosiy hayotiga oid e’tiborga molik xabarlarni bir joyga to‘pladi.
Toshkentda aholi uchun issiqlik tariflarini oshirish taklif qilindi
Poytaxt aholisi uchun issiq suv va issiqlik taʼminoti tarifi 15 foizga oshirilishi kutilmoqda.
O‘zbekistonda bitta bank jarimaga tortildi, uchtasi ogohlantirildi
Ular qonunchilik va Markaziy bank me’yoriy-huquqiy hujjatlari talablariga rioya qilmagan.
Qo‘qonda sud xodimi 1000 dollar pora bilan qo‘lga tushdi
U er-xotinni qonuniy nikohdan ajratib berishni va’da qilgan.
Andijon viloyati hokimi o‘rinbosari lavozimidan ozod etildi
Savdo-sanoat palatasi Shahrixon tumani bo‘limi rahbari uning o‘rniga tayinlandi.
Jizzaxda fermer xo‘jaligi ish yurituvchisi 42 tup qayrag‘ochni kesib ketgani ma’lum bo‘ldi
Bu orqali u o‘simlik dunyosiga 224 mln so‘mdan ortiq zarar yetkazgan.
O‘zbekistonning ayrim hududlarida 15-fevral kuni chang-to‘zon kuzatilishi mumkin
Payshanba kuni uchun ob-havo prognozi e’lon qilindi.
“Rossotrudnichestvo” Sherzod Qudratxo‘ja bilan har qanday muloqot va aloqalarni to‘xtatdi
Sherzod Qudratxo‘ja o‘zi yashayotgan mamlakat tilini bilmaydiganlar “bosqinchi yoki ahmoq” bo‘lishini aytgandi.
“Meni u yerda ishlay olmasligimni bilib jo‘natishgan” — Sherzodxon Qudratxo‘ja bosh vazir matbuot kotibi lavozimidagi faoliyati haqida
“U vaqtda bosh vazir ommaviy shaxs emas edi. Uni televizor orqali umuman ko‘rsatish mumkin emasdi”, — deya eslaydi u.
“Qanchalik madaniyatli bo‘lsak, shunchalik boshga chiqishadi”. Jamoatchilik Sherzodxon Qudratxo‘ja bilan bog‘liq voqeaga qanday munosabat bildirdi?
Sherzodxon Qudratxo‘ja o‘zi yashayotgan mamlakat tilini bilmaydiganlarni “bosqinchi yoki ahmoq” bo‘lishini aytgandi.
“O‘zbekiston temir yo‘llari” o‘z xodimlariga ish haqi to‘lamayotgani haqidagi xabarlarga izoh berdi
“Moliyaviy faoliyatda haqiqatan ham qiyinchiliklar borligi haqida xabar beramiz”, — deyiladi bayonotda.
“Ham qimmat, ham samarasiz” — iqtisodchilar issiq suv va issiqlik taʼminoti to‘lovining katta qismi davlat budjetidan qoplanayotgani haqida
Toshkent shahrida issiqlik taʼminoti narxi (Gkal uchun) 664 ming so‘m. Aholi shundan 105,7 ming so‘mini to‘lashi, qolgani davlat byudjetidan qoplanishi belgilandi. Iqtisodchilar Otabek Bakirov va Behzod Hoshimov mazkur qaror haqida fikr bildirdi.
Toshkentda elektrobus va Cobalt ishtirokida avtohalokat sodir bo‘ldi
Mazkur YTH bo‘yicha tafsilotlar eʼlon qilindi.
Qashqadaryoda ota uch farzandi uchun aliment evaziga Toshkentdan uy sovg‘a qildi
Mazkur xonadon sobiq rafiqasining nomiga rasmiylashtirib berildi.
O‘zbekistonning uch viloyatida gaz va “svet”dan noqonuniy foydalanish holatlari aniqlandi
Holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
M-39 xalqaro avtomobil yo‘lida yoriqlar paydo bo‘lgani maʼlum qilindi
Shu bois transport vositalarining harakati vaqtincha bir tomonlama tashkil etiladi.
Ziroat Mirziyoyeva FAO bosh direktori o‘rinbosari bilan uchrashuv o‘tkazdi
Uchrashuvda biologik xilma-xillikni asrash, oziq-ovqat xavfsizligi, ekologik taʼlimni ilgari surish bilan bog‘liq qo‘shma loyiha va tashabbuslarni yanada rivojlantirish masalalari muhokama qilingan.
Izoh (0)