Toshkentdan Buxoroga uchgan samolyot chang bo‘roni sabab poytaxtga qaytdi. Bu haqda Uzbekistan Airports xabar berdi.
Maʼlum qilinishicha, Uzbekistan Airways aviakompaniyasining Toshkent—Buxoro yo‘nalishida parvoz qilayotgan HY23 yo‘lovchi reysi uchish aeroportiga qaytgan. Samolyot ekipaji Buxoro aeroportidagi noqulay ob-havo sharoiti (chang bo‘roni) tufayli uchish aeroportiga qaytishga qaror qilgan.
Bortida 125 yo‘lovchi bo‘lgan samolyot mahalliy vaqt bilan soat 16:03 da Toshkentga qo‘ngan. Samolyot yaqin soatlarda Buxoro aeroportiga uchib ketishi kutilmoqda.
Izoh (0)