“Bek Baraka”da o‘tkazilgan nazorat tadbirlarida ko‘plab norasmiy tadbirkorlarning faoliyati qonuniylashtirildi. Bu haqda Toshkent viloyati hokimligi matbuot xizmati xabar berdi.
Maʼlum qilinishicha, viloyat soliq boshqarmasi Iqtisodiy jinoyatlarga qarshi kurashish departamenti Zangiota tumani bo‘limi bilan hamkorlikda hududda faoliyat olib borayotgan “Bek Baraka ixtisoslashgan savdo kompleksi” MCHJga qarashli majmuada o‘rganish ishlari olib borgan.
Mazkur savdo do‘konlarida jami 708 ta tadbirkorlik subyektlari mavjud bo‘lib, ularga onlayn NKTlaridan foydalangan holda mijozlarga QR kod va fiskal belgili chek taqdim etish bo‘yicha tushuntirish-targ‘ibot ishlarini olib borilgan.
O‘rganish ishlarining birinchi kunida 555,6 mln so‘mlik savdo tushumlari nazorat-kassa mashinasi xotirasiga kirim qilindi. Xatlov jarayonida 267 ta savdo do‘konlarida 5 nafar fuqaro davlat ro‘yxatidan o‘tmasdan noqonuniy ravishda faoliyat yuritib kelayotganligi aniqlandi va 4 nafar yakka tartibdagi tadbirkor hamda 1 nafar yuridik shaxs davlat ro‘yxatidan o‘tkazildi.
Izoh (1)
катта угрилар ушланибдику.