Foydalanuvchilar Rossiyadagi RU domen zonasida ishlaydigan veb-saytlar bilan bog‘liq muammolar yuzaga kelganini xabar berdi. Oqibatda Yandex, “Megafon”, MTS, Ozon, Wildberries, Avito va boshqa yirik saytlar ochilmay qoldi.
Rossiya Federatsiyasi Raqamli rivojlanish vazirligi bu borada rasmiy bayonot berdi.
“Global DNSSEC infratuzilmasi bilan bog‘liq bo‘lgan RU zonasiga ta’sir qiluvchi texnik muammo yuzaga keldi. Internet texnik markazi va MSK-IX mutaxassislari uni bartaraf etish ustida ishlamoqda.
Milliy domen nomlari tizimi abonentlari uchun muammo hal qilindi. Qayta tiklash ishlari olib borilmoqda. Vaziyat haqida sizni xabardor qilib boramiz”, — deyiladi bayonotda.
DNSSEC — bu ma’lumotlarning yaxlitligi va ishonchliligini ta’minlaydigan DNS protokolining kengaytmalari to‘plami hisoblanadi.
Ayni paytga kelib RU domenidagi saytlardagi muammo bartaraf etilgan.
Izoh (0)