Rossiya tashqi ishlar vaziri Sergey Lavrov G‘arb siyosatchilarining Ukrainadagi harbiy mojaroda Rossiya Federatsiyasi g‘alaba qozonsa, Boltiqbo‘yi mamlakatlari “keyingi nishon bo‘lishi” mumkinligi haqidagi bayonotlarini absurd deb hisoblaydi.
Uning so‘zlariga ko‘ra, G‘arb Rossiyaga “strategik mag‘lubiyat” yetkazish uchun barcha imkoniyatlardan foydalanish niyatida.
“Bunday bayonotlarning bema’niligi barchaga, tarixni zarracha biladigan va Ukrainadagi maxsus harbiy operatsiya bo‘yicha biz ochiq e’lon qilgan maqsadlarimizni tushunadigan har bir kishiga ayon. Biz tarixiy adolatsizlikni bartaraf etmoqdamiz. Biz nafaqat mamlakatimiz xalqlari tarixini qayta yozish, balki bu tarixni abadiy unutishga bo‘lgan urinishlarni yo‘q qilmoqdamiz”, — dedi Lavrov.
Ukrainadagi mojarodan so‘ng Boltiqbo‘yi davlatlari uchun xavf borligi haqida Litva tashqi ishlar vaziri Gabrielius Landsbergis 22-yanvar kuni Bryusselda jurnalistlar bilan uchrashuvda gapirgandi. Bundan tashqari, NATO harbiy qo‘mitasi rahbari admiral Rob Bauer ham xuddi shunday fikrni bildirdi.
Izoh (0)