Polsha Germaniya bilan “sovuq urush” tugaganini e’lon qildi

Polshaning yangi hukumati Germaniya va Yevropa institutlari bilan oldingi hukumat olib borgan “sovuq urush”ni tugatdi. Bu haqda Polsha tashqi ishlar vaziri Radoslav Sikorskiyga tayanib, “Ukrinform” xabar berdi.

Diplomat Berlinga tashrifi bilan bog‘liq rejalar haqida gapirib, Polsha Seymida shunday bayonot bergan. 

“Biz demokratik Germaniya Polshaning ittifoqchisi ekaniga ishonamiz. Biz Yevropa institutlari va eng yirik savdo sherigimiz bilan sovuq urushni tugatmoqdamiz”, — deydi Polsha TIV rahbari.

U avvalgi hukumat “Germaniyaga qarshi kompaniya” olib borganini eslatdi. Vazir qo‘shni davlatlar o‘rtasida yechimini kutayotgan muammolar mavjudligini ta’kidladi. Unga ko‘ra, bu Polshaning Germaniya va Ukraina bilan munosabatlariga tegishli.

“Strategik jihatdan biz Ukrainani qo‘llab-quvvatlaymiz, ammo bu bizning fikrimizdagi farqlar yo‘q degani emas”, — dedi Sikorskiy.

Uning ta’kidlashicha, Germaniya Polshaning ittifoqchisi, ammo mamlakatlar o‘rtasidagi munosabatlarda ham o‘tmish, ham kelajakdagi muammolar mavjud va bularning barchasi muzokaralarda muhokama qilinadi.