Польшанинг янги ҳукумати Германия ва Европа институтлари билан олдинги ҳукумат олиб борган “совуқ уруш”ни тугатди. Бу ҳақда Польша ташқи ишлар вазири Радослав Сикорскийга таяниб, “Ukrinform” хабар берди.
Дипломат Берлинга ташрифи билан боғлиқ режалар ҳақида гапириб, Польша Сеймида шундай баёнот берган.
“Биз демократик Германия Польшанинг иттифоқчиси эканига ишонамиз. Биз Европа институтлари ва энг йирик савдо шеригимиз билан совуқ урушни тугатмоқдамиз”, — дейди Польша ТИВ раҳбари.
У аввалги ҳукумат “Германияга қарши компания” олиб борганини эслатди. Вазир қўшни давлатлар ўртасида ечимини кутаётган муаммолар мавжудлигини таъкидлади. Унга кўра, бу Польшанинг Германия ва Украина билан муносабатларига тегишли.
“Стратегик жиҳатдан биз Украинани қўллаб-қувватлаймиз, аммо бу бизнинг фикримиздаги фарқлар йўқ дегани эмас”, — деди Сикорский.
Унинг таъкидлашича, Германия Польшанинг иттифоқчиси, аммо мамлакатлар ўртасидаги муносабатларда ҳам ўтмиш, ҳам келажакдаги муаммолар мавжуд ва буларнинг барчаси музокараларда муҳокама қилинади.
Изоҳ (0)