AQSH prezidenti Jo Bayden yaqin orada mamlakatning Yaqin Sharqdagi harbiy harakatlar boshlashiga ruxsat berishi mumkin. Bu haqda Sky News xalqaro aloqalar muharriri Dominik Vaghorn xabar berdi.
Ma’lum qilinishicha, Baydenning maslahatchilari unga ramziylikdan qattiq jazoga qadar javob qaytarish variantini taklif qilmoqda.
“Prezident yaqin soatlarda uning tanlovi vaziyatning har qanday keskinlashuviga chek qo‘yishiga umid qilmoqda. Bu teskari natija berishi mumkin... U mas’ul guruhga hujum qilishi mumkin, lekin ko‘pchilik buni zaif deb biladi va u masalaning mohiyatini qamrab olmaydi: guruh homiylari Eronda. Pentagonning variantlar ro‘yxatida Eron tashqarisidagi hududlarga Islom inqilobi qo‘riqchilari korpusiga qarshi choralar ko‘rish yoki uning chegaralaridagi Eron inshootlariga hujum qilish mavjud”, — deyiladi xabarda.
Pentagon Iordaniyadagi amerikalik qo‘shinlarga dron hujumida Eronga yaqin bo‘lgan Iroq elita qurolli guruhi Kataib Hizbullohning “izlari” borligini taxmin qilmoqda.
AQSH Davlat kotibi Entoni Blinkenning ta’kidlashicha, ularning javobi “qatlamli, bosqichma-bosqich va vaqt o‘tishi bilan barqaror” bo‘lishi mumkin. Pentagon general-mayori Patrik Rayder AQSH o‘z kuchlarini himoya qilish uchun hamma narsani qilishi, biroq u kattaroq mojaroga aralashishga intilmasligini ta’kidlamoqda.
Rasmiylar va ekspertlarning jurnalistlarga aytishicha, Bayden ma’muriyati to‘g‘ridan to‘g‘ri harbiy harakatlarga sabab bo‘lmasdan Eron va uning qo‘llab-quvvatlovchilarini ushlab turish uchun “yetarli darajada qattiq” javob izlamoqda.
Iordaniyadagi AQSH bazasiga hujum:
28-yanvar kuni AQSHning Iordaniya shimoli-sharqida joylashgan bazasiga dron hujum qildi. Oqibatda uch nafar amerikalik askar halok bo‘ldi, 20 nafardan ortig‘i yaralandi.
Jo Bayden o‘z murojaatida AQSH bu zarbaga javob qaytarishiga va’da berdi. U hodisada ‘‘Eron tomonidan qo‘llab-quvvatlanadigan radikal guruhlar”ni aybladi. O‘z navbatida, Eron hujumga aloqadorligini rad etdi.
Izoh (0)