Qozog‘istonning Chimkent shahrida o‘z xotinini haqorat qilgan erkak 10 sutkaga hibsga olindi. Bu haqda Chimkent sudiga tayanib, Tengrinews xabar berdi.
Erkakka Maʼmuriy javobgarlik to‘g‘risidagi kodeksning 73-moddasi 2-qismi (kaltaklash yoki jismoniy og‘riqni keltirib chiqaradigan, ammo sog‘liqqa yengil zarar yetkazmaydigan boshqa zo‘ravonlik harakatlarini qilish) bilan maʼmuriy ish qo‘zg‘atilgan.
“Ishni ko‘rib chiqish jarayonida aniqlanishicha, erkak, avvalroq, oilaviy va maishiy munosabatlariga zarar yetkazgani uchun ma’muriy javobgarlikka tortilganligiga qaramay, u 2024-yil 10-yanvarda turmush o‘rtog‘i nomiga, sha’ni va qadr-qimmatiga tegadigan bir necha bor odobsiz va behayo so‘zlarni aytgan”, — deydi Chimkent sudi.
Sud majlisida erkak o‘z aybiga iqror bo‘lib, huquqbuzarlikni janjal paytida sodir etgani va qilmishidan pushaymonligini tushuntirgan.
“Sudya fuqaro Sh.ning bir yilda ikki marta ushbu huquqbuzarlikni Ma’muriy javobgarlik to‘g‘risidagi kodeksning 73-moddasi 2-qismi bilan sodir etganligini inobatga olib, unga nisbatan 10 sutka muddatga ma’muriy qamoq jazosi tayinladi”, — deyiladi Chimkent sudi xabarida.
Izoh (0)