Qozog‘istonda 2024-yilda avtomobillar uchun VIP raqamlar qancha turishi ma’lum qilindi. Bu haqda “Fuqarolar uchun hukumat” davlat korporatsiyasiga tayanib, Tengrinews xabar berdi.
Qozog‘istonda “chiroyli” raqamlarni sotish amaliyoti 2014-yilda joriy etilgan. Ularni sotishdan tushgan daromad respublika budjetiga tushadi. Davlat korporatsiyasi maʼlumotlariga ko‘ra, 2023-yilda eng tez sotilgan raqamlar 010, 020, 030, 040, 050, 060, 070, 077, 080, 090, 707 bo‘lgan. Har bir davlat raqamining narxi 2024-yilda 210 444 tengeni (salkam 465 dollar) tashkil qiladi.
Shu bilan birga, VIP qatoridagi eng qimmat raqamlar bir xil harflar bilan 001, 002, 003, 004, 005, 006, 007, 008, 009, 777 dir. Bunday raqam avtomobil egasiga 2024-yilda 1 052 220 tengega (salkam 2 ming 325 dollarga) tushadi.
Izoh (0)