Isroilda oktyabr oyida bo'lib o'tishi kerak bo'lgan munitsipalitet saylovlari G'azo sektorida davom etayotgan harbiy amaliyot tufayli yana qoldirildi.
Vazirlar Mahkamasining haftalik yig‘ilishida mahalliy saylovlarni 2024-yil 27-fevralga ko‘chirishga qaror qilindi.
Bu qaror armiya bilan maslahatlashuvlar natijasida qabul qilindi. Jangovar zonada joylashgan 688 nafar zahiradagi askar 144 ta munitsipalitetdagi saylovlarda nomzod sifatida qatnashish uchun qo‘shinlarni tark eta olmasligi haqida ma’lumot berildi.
Qaror endilikda Knesset (parlament) tomonidan tasdiqlanishi kerak.
Isroil bosh vaziri Benyamin Netanyaxu ta'kidlaganidek, fevral oyi oxirida mahalliy saylovlar o'tkazilishi ushbu saylov kampaniyasida ko'proq zaxiradagi zobitlar ishtirok etishiga imkon berishi kerak.
"Biz odatda urush paytida saylovlarni o'tkazmaymiz, lekin bu saylovlar oldindan belgilab qo'yilgan edi. Ular allaqachon bir marta qoldirildi. Ularni uzoq vaqtga qoldirish juda qiyin bo'lsa-da, ikkita variant bor: ularni yanvar oyining oxirida yoki fevral oyining oxirida o‘tkazish. Mening tavsiyam aniq: saylovni fevral oyining oxirida o‘tkazish kerak. Chunki o‘sha paytda zaxiradagi zobitlar saylovda qatnashish imkoniga ega bo‘ladi. Bu asosiy va muhim huquqdir", — dedi hukumat rahbari.
Izoh (0)