Xanchjou—2022. Kubaro Hakimova Para Osiyo o‘rinlari rekordini yangiladi, yadro uloqtirishda oltin va kumush medallarni O‘zbekiston delegatsiyasi qo‘lga kiritdi

Xanchjou—2022 IV Para Osiyo o‘yinlari 27-oktyabr, juma kuni bo‘lib o‘tmoqda.

Para yengil atletikachi Kubaro Hakimova F41 klassida yadro uloqtirish sektorida eng yuqori natija bilan O’zbekiston delegatsiyasiga galdagi oltin medalni taqdim etdi va Para Osiyo o‘yinlari rekordini yangiladi. 

Erkaklar o‘rtasida F37 klassida yadro uloqtirish bo’yicha bellashuvlarda ishtirok etgan Qudratullaxon Ma’rufxo‘jayev oltin, Tolibjon Yo‘ldashev kumush medalga sazovor bo‘lishdi.

O‘zbekiston delegatsiyasining navbatdagi oltin medaliga Omad Hasanov mualliflik qildi. Para yengil atketikachi uzunlikka sakrash sektorida o‘z klassida eng yuqori natija qayd etib, musobaqa chempionligiga erishdi.

Para yengil atletika bahslarida yadro uloqtirish dasturida ishtirok etgan Elbek Sultonov kumush medal sohibiga aylandi.

Para pauerlifting bo‘yicha O’zbekiston terma jamoasi a’zosi Farhod Umrzoqov kumush medal sohibiga aylandi. Erkaklar o‘rtasida -97 kg vazn toifasida qatnashgan Umrzoqov 228 kg natija bilan shohsupaning ikkinchi pog‘onasidan joy oldi.