Xanchjou—2022. Para kanoechilar debyut Para Osiyo o‘yinlarida tengsiz bo‘ldi, Para yengil atletikachilar esa 4 ta kumush medalni qo‘lga kiritdi

Xanchjou—2022 IV Para Osiyo o‘yinlari 24-oktyabr, seshanba kuni bo‘lib o‘tmoqda.

Para kanoe bo‘yicha erkaklar o‘rtasida  KL3 klassida bahslar yakunlandi. Hasan Qo‘ldashev 42.258 soniya natija bilan marraga birinchi bo‘lib yetib keldi va oltin medalni qo‘lga kiritdi.

Para kanoe bo‘yicha ayollar o‘rtasida  KL3 klassida o‘tkazilgan bahslarda Shaxnoza Mirzayeva 50.680 soniya natija bilan marraga birinchi bo‘lib yetib keldi va delegasiya hisobiga navbatdagi oltin medalni qo‘shib qo‘ydi.

Para yengil atletikaning ayollar o‘rtasida F13 klassida nayza uloqtirish dasturida ishtirok etgan Nozimaxon Qayumova 43.36 metr natija bilan kumush medalni qo‘lga kiritdi.

Para yengil atletikaning ayollar o‘rtasida F56 klassida nayza uloqtirish dasturida ishtirok etgan Nataliya Semyonova 17.40 metr natija bilan kumush medalni qo‘lga kiritdi.

Para kanoe bo‘yicha erkaklar o‘rtasida  VL3 klassida o‘tkazilgan bahslarda Haytmurod Sherqo‘ziev 49.345 soniya natija bilan marraga birinchi bo‘lib yetib keldi va delegatsiya hisobiga navbatdagi oltin medalni yozdirib qo‘ydi.

Para yengil atletikaning F54 klassida ayollar o‘rtasida yadro uloqtirish dasturida ishtirok etgan Nurxon Qurbonova 7.34 metr natija bilan ikkinchi bo‘ldi va kumush medalni qo‘lga kiritdi.

Hozirgina para yengil atletikaning erkaklar o‘rtasida T36 klassida  uzunlikka sakrash bahsida Izzat Turg‘unov o‘z ishtirokini yakunladi. 

Turg‘unov 5.55 metr natija bilan kumush medalni qo‘lga kiritdi.