Ханчжоу-2022 ХIX ёзги Осиё ва IV Пара Осиё ўйинларида ғолиб ва совриндор бўлган спортчилар, уларни тайёрлаган мураббийларни тақдирлаш маросими бўлиб ўтди.
Президент қарори ва Ўзбекистон Республикаси Вазирлар Маҳкамасининг тегишли фармойишига биноан олтин медални қўлга киритган спортчилар 10 000, кумуш медал эгалари 5 000, бронза медали соҳиблари 2500 доллар; уларнинг мураббийлари эса ушбу суммаларнинг тенг ярми миқдорида, мос равишда 5 000, 2500 ҳамда 1250 доллар миқдоридаги бир марталик пул мукофотлари билан тақдирланишди.
Тадбирда сўз олган таэквондо WТ бўйича Осиё ўйинлари чемпиони Улуғбек Рашитов ва бокс бўйича Ўзбекистон терма жамоаси бош мураббийи Тўлқин Қиличев, шунингдек, пара енгил атлетика баҳсларида 1 та олтин ва 2 та бронза медалларини қўлга киритган Асила Мирзаёрова ҳамда пара каноэ бўйича Ўзбекистон терма жамоаси мураббийи Дилшод Йўлдошев ушбу эътибор ва ғамхўрлик янги Олимпия йили олдидан катта мотивация бўлишини таъкидлаб, келгусида бундан ҳам улкан ғалабалар сари меҳнат қилишларини билдирди.
Изоҳ (0)