Toshkentda 11 oyda avtobuslar ishtirokida 94 ta YTH yuz bergan. Bu haqda “Toshshahartransxizmat” boshqaruv raisi Anvar Jo‘rayev ishtirokida o‘tkazilgan yig‘ilishda ma’lum qilindi.
Unda poytaxt Yo‘l harakati xavfsizligi boshqarma boshlig‘i Rafiqjon Jaliliov, avtobus saroyi filiallari rahbarlari va haydovchilar ham ishtirok etgan.
Yig‘ilishda avtobuslar bilan sodir bo‘lgan YTHlarning kelib chiqish sabablari, xususan, avtobus haydovchilarining aybi bilan sodir etilgan 34 ta yo‘l-transport hodisalari tahlili hamda yo‘l harakati qoidalari buzilishi oqibatida haydovchilarga kelgan jarima qarorlari (videolari) aks etgan lavhalar namoyish etilgan.
Bundan tashqari fuqarolar va yo‘lovchilardan kelib tushayotgan tanqidiy murojaatlar (ijtimoiy tarmoqlar va ishonch raqami orqali) ham o‘rganilib, haydovchi va chiptachilarning yo‘nalishda yo‘lovchilar bilan xushmuomalada bo‘lishlari, yo‘lovchi tashish qoidalariga qat’iy amal qilishlari harakat davomida telefondan foydalanmasliklari yuzasidan alohida ko‘rsatmalar berilgan.
Izoh (0)