Toshkentda avtobus boshqarish vaqtida telefondan foydalanish holati yuzasidan reyd bo‘lib o‘tdi.
11-dekabr kuni “Toshshahartransxizmat” boshqaruv raisi Anvar Jo‘rayev tomonidan o‘tkazilgan nazorat tadbiri davomida 7 nafar haydovchi avtobusni boshqarish vaqtida uyali aloqa vositasidan foydalangani aniqlandi.
Yo‘l harakati qoidalari va ichki mehnat tartib qoidalari qo‘pol ravishda buzilgani sababli 89, 135, 44, 43, 35, 46 va 53-raqamli avtobuslarni boshqarib kelgan haydovchilar bilan tuzilgan mehnat shartnomasi bekor qilindi.
“Toshshahartransxizmat” yo‘lovchilardan avtobus haydovchisining telefondan foydalanganiga guvoh bo‘lgan taqdirda, 1062 ishonch telefoniga murojaat qilishni yoki Instagram’da kompaniyaning @toshbus sahifasini belgilagan holda qoidabuzarlik sodir etayotgan haydovchi haqida post yoki storis qo‘yishni so‘radi.
Izoh (0)