Isroil G‘azo sektorida garovga olinganlarning qaytarilishini ta’minlash va hal qiluvchi g‘alabaga erishish uchun Falastinning HAMAS harakatiga maksimal darajada harbiy bosim o‘tkazish siyosatini davom ettiradi, dedi mamlakat bosh vaziri Benyamin Netanyaxu.
“Harbiy bosim garovga olinganlarni qaytarish uchun ham, g‘alabaga erishish uchun ham zarur. Faqat shu yo‘i orqali barcha mahbuslarimizni ozod qilishimiz mumkin. Busiz muvaffaqiyatga erisha olmaymiz”, — deya qo‘shimcha qildi u.
O‘z navbatida, mudofaa vaziri Yoav Galant ham Isroilning HAMASga harbiy bosimni davom ettirishi muhimligini ta’kidladi. Uning so‘zlariga ko‘ra, agar harbiylar hech qanday sa’y-harakatlar qilmaganida natija umaman bo‘lmasdi.
“Biz bir necha oy kutishimiz mumkin edi. Ammo bu holda garovga olinganlarning hech biri qaytib kelmasdi”, — dedi u.
Izoh (0)