Yoshlar ittifoqi 2023-yil davomida yoshlarni qo‘llab-quvvatlash maqsadida Oliy ta’lim muassasalarida tahsil oluvchi 2199 nafar iqtidorli talaba kontraktining 35 foizini to‘lab berdi. Buning uchun 7,3 milliard so‘m sarflangan. Bu haqda “Daryo”ga O‘zbekiston Yoshlar ittifoqi Markaziy kengashi raisi vazifasini bajaruvchi Temurbek Poyonov ma’lum qildi.
Ta’kidlanishicha, bugungi kunda Yoshlar ittifoqining 11 ming 915 ta boshlang‘ich tashkiloti o‘z atrofida mamlakatning minglab yoshlarini birlashtirgan.
O‘tgan davr mobaynida O‘zbekiston yoshlar ittifoqi tomonidan yoshlarning bo‘sh vaqtini mazmunli tashkil etish yo‘nalishida tashkil etilgan tadbirlarda salkam 6 million nafar yoshlar qamrab olindi. Davlatimiz rahbarining yoshlar ittifoqiga berayotgan imkoniyat va e’tiborini chuqur his etgan holda, tizimda yangicha yondashuv, maqsadli va samarali tadbir, loyihalar, zarur uchrashuvlar, rivojlangan davlatlarning yoshlar tashkilotlari bilan tajriba almashish kabi dolzarb masalalarga alohida e’tibor qaratmoqdamiz, — deydi mas’ul.
Ta’kidlanishicha, ittifoq tomonidan talaba yoshlarni qo‘llab-quvvatlash amaliyoti joriy etilgan bo‘lib, bu an’ana hamon davom etmoqda.
Yoshlarni qo‘llab-quvvatlash, Oliy ta’lim muassasalarida o‘qiyotgan, harbiy xizmatni o‘tagan yoshlarga yordam berish maqsadida 2023-yil davomida 2199 nafar talaba kontrakt to‘lovining 35 foizigacha bo‘lgan qismini qoplab berdik. Buning uchun 7,3 milliard so‘m miqdorida mablag‘ sarflangan. Davlatimiz rahbarining yoshlar ittifoqiga berayotgan imkoniyat va e’tiborini chuqur his etgan holda, tizimda yangicha yondashuv, maqsadli va samarali tadbir va loyihalar, zarur uchrashuvlar, rivojlangan davlatlarning yoshlar tashkilotlari bilan tajriba almashish kabi dolzarb masalalarga alohida e’tibor qaratmoqdamiz, — deydi mas’ul.
Izoh (0)