Toshkentda taniqli bo‘lgan umumiy ovqatlanish shoxobchalaridan birining faoliyati to‘xtatib qo‘yilishi mumkin, deb xabar bermoqda Ekologiya boshqarmasi axborot xizmati.
Ma’lum qilinishicha, Ekologiya, atrof-muhitni muhofaza qilish va iqlim o‘zgarishi vazirligi Toshkent shahar boshqarmasining Ekologik nazorat bo‘yicha inspeksiyasi tomonidan umumiy ovqatlanish shoxobchalaridan biri “Oqtepa lavash”ning faoliyati vaqtinchalik to‘xtatib qo‘yilishi mumkin.
“Oqtepa lavash” “Tabiatni muhofaza qilish to‘g‘risida”gi qonunning 15, 24, 25, 41-moddasi hamda “Ekologik ekspertiza to‘g‘risida”gi qonunning 11,13, 21-moddasi talablarini qo‘pol ravishda buzganligi sababli, vaqtinchalikka, Davlat ekspertiza xulosasini olgunga qadar faoliyatini to‘xtatish bo‘yicha Toshkent tumanlararo iqtisodiy sudiga da’vo arizasi kiritilgan.
Izoh (0)