O‘zbekistonda kelasi hafta boshida sovuq bo‘lishi haqida xabarlar tarqaldi. “O‘zgidromet” mazkur xabarlarga munosabat bildirdi.
Xabarga ko‘ra, haftaning birinchi yarmida qorli va ayozli ob-havoni olib kelgan sovuq antisiklon O‘zbekiston hududidan tezlik bilan chekinadi. 17-dekabr, dushanba kuni respublika bo‘ylab yog‘ingarchilik kutilmaydi. Havo harorati ko‘tarilib, kechasi 0-5 daraja sovuq, kunduzi 2-7 daraja iliq bo‘ladi, bu dekabr oyining shu kunlari uchun iqlim me’yoriga yaqin.
18-dekabr kuni salqin va nam havo massasi respublikaning shimoliy hududlariga, 19-dekabrdan esa qolgan hududlarga o‘ta boshlaydi. Respublika bo‘ylab yog‘ingarchilik bo‘ladi. Shimolda cho‘l zonasi va tog‘li hududlarda qor ko‘rinishida yog‘ingarchilik bo‘ladi. Havo harorati:
- 18-dekabrda kechasi 0-5 daraja sovuq, kunduzi 5-10 daraja iliq; respublika shimolida kechasi 0-5 sovuq, kunduzi 0-5 daraja iliq bo‘ladi.
- 19-dekabrda kechasi 2 daraja sovuqdan 3 daraja iliqqacha, kunduzi 2-7 daraja iliq; shimolda kechasi 5-10 daraja sovuq, kunduzi 0-5 daraja iliq bo‘ladi.
- 20-dekabrda kechasi 2 daraja sovuq, 3 daraja iliq, kunduzi 2-7 daraja iliq; shimolda kechasi 3-8 daraja sovuq, kunduzi 0-5 daraja iliqqacha bo‘ladi, bu ham qish mavsumi uchun iqlimiy me’yor hisoblanadi.
Izoh (0)