Ёшлар иттифоқи 2023 йил давомида ёшларни қўллаб-қувватлаш мақсадида Олий таълим муассасаларида таҳсил олувчи 2199 нафар иқтидорли талаба контрактининг 35 фоизини тўлаб берди. Бунинг учун 7,3 миллиард сўм сарфланган. Бу ҳақда “Дарё”га Ўзбекистон Ёшлар иттифоқи Марказий кенгаши раиси вазифасини бажарувчи Темурбек Поёнов маълум қилди.
Таъкидланишича, бугунги кунда Ёшлар иттифоқининг 11 минг 915 та бошланғич ташкилоти ўз атрофида мамлакатнинг минглаб ёшларини бирлаштирган.
Ўтган давр мобайнида Ўзбекистон ёшлар иттифоқи томонидан ёшларнинг бўш вақтини мазмунли ташкил этиш йўналишида ташкил этилган тадбирларда салкам 6 миллион нафар ёшлар қамраб олинди. Давлатимиз раҳбарининг ёшлар иттифоқига бераётган имконият ва эътиборини чуқур ҳис этган ҳолда, тизимда янгича ёндашув, мақсадли ва самарали тадбир, лойиҳалар, зарур учрашувлар, ривожланган давлатларнинг ёшлар ташкилотлари билан тажриба алмашиш каби долзарб масалаларга алоҳида эътибор қаратмоқдамиз, — дейди масъул.
Таъкидланишича, иттифоқ томонидан талаба ёшларни қўллаб-қувватлаш амалиёти жорий этилган бўлиб, бу анъана ҳамон давом этмоқда.
Ёшларни қўллаб-қувватлаш, Олий таълим муассасаларида ўқиётган, ҳарбий хизматни ўтаган ёшларга ёрдам бериш мақсадида 2023 йил давомида 2199 нафар талаба контракт тўловининг 35 фоизигача бўлган қисмини қоплаб бердик. Бунинг учун 7,3 миллиард сўм миқдорида маблағ сарфланган. Давлатимиз раҳбарининг ёшлар иттифоқига бераётган имконият ва эътиборини чуқур ҳис этган ҳолда, тизимда янгича ёндашув, мақсадли ва самарали тадбир ва лойиҳалар, зарур учрашувлар, ривожланган давлатларнинг ёшлар ташкилотлари билан тажриба алмашиш каби долзарб масалаларга алоҳида эътибор қаратмоқдамиз, — дейди масъул.
Изоҳ (0)