AQSHda kana orqali yuqadigan o‘ta xavfli kasallik aniqlandi

Amerikalik shifokorlar odamlarga kanadan yuqishi mumkin bo‘lgan o‘limga olib keluvchi kasallik tarqalishi haqida ogohlantirdi. Bu haqda The Washington Post xabar berdi.

Kasalliklarni nazorat qilish va oldini olish markazlari (CDC) shifokorlar va jamoatchilikni kamdan kam uchraydigan, ammo o‘limga olib keladigan, besh bemorni kasalxonaga yotqizgan va ulardan uch nafarini o‘ldirgan kasallikning avj olishi haqida ogohlantirdi.

Rocky Mountain spotted fever — RMSF nomli kasallik asosan itlarda mavjud kasallangan kana chaqishi orqali yuqadi. AQSHda bu kamdan kam uchraydi, ammo Meksika shimolida epidemiya darajasiga chiqqan, bu yerda so‘nggi besh yil ichida 2000 dan ortiq holatlar, shuningdek, yuzlab o‘limlar qayd etilgan.

CDC iyul oyi oxirida besh bemorga ushbu kasallik tashxisi qo‘yilganini aytdi. Ularning barchasi  Meksikaning Tekata shahriga ikki hafta ichida tashrif buyurgan. RMSF Meksikaning shimolidagi ko‘plab chegara shtatlarida, jumladan, Quyi Kaliforniya, Sonora, Chiuaua, Koauila va Nuevo-Leonda, shuningdek, AQSHning janubi-g‘arbiy qismidagi hududlarda endemikdir.

“Bu kasallik juda xavflidir, chunki yuqtirganlarning yarmi kasallikning dastlabki sakkiz kunida vafot etadi”, — dedi Kasalliklarni nazorat qilish va oldini olish markazlari bosh shifokori Kristofer Peddok.

Uning ta’kidlashicha, kasallikni faqat erta bosqichda aniqlangan taqdirdagina davolash mumkin.