Shimoliy Koreya yetakchisi Kim Chen In Maybach avtomobilida harakatlangani ma’lum bo‘ldi. Eng qizig‘i shundaki, ushbu avtomobilni Shimoliy Koreyaga yetkazib berish sanksiyalar bilan taqiqlangan.
Janubiy Koreyaning SBS teleradiokompaniyasi Kim Chen Inning avtomobili o‘zgarganiga e’tibor qaratdi.
Telekompaniya maʼlumotlariga ko‘ra, dekabr oyida Pxenyanda bo‘lib o‘tgan milliy onalar qurultoyidan olingan videoda Kim Chen In kelgan avtomobil orqa eshigining orqa tomonida Maybach belgisi, yukxonada esa S650 belgisi borligini ko‘rish mumkin. Bu yerda gap 2019-yilda chiqarilgan Benz Maybach haqida ketmoqda, deb xabar berdi SBS.
Aniqlik kiritilishicha, Kim Chen In sentyabr oyida Rossiyaga tashrifi chog‘ida eski mashinadan foydalangan. Shundan kelib chiqib, SBS Shimoliy Koreya yetakchisi avtomobilni oktyabr yoki noyabrda almashtirgan degan xulosaga keladi. Maybach mashinasi KXDRda hashamatli avtomobil hisoblanadi, BMT Xavfsizlik kengashi qarori bilan ushbu avtomobillarni mamlakatga yetkazib berish taqiqlangan.
Sentyabr oyida Shimoliy Koreya yetakchisi Kim Chen In Rossiyaga besh kunlik tashrif bilan kelgan edi. Xususan, u Rossiya prezidenti Vladimir Putin bilan uchrashdi, ularning muzokaralari to‘rt soatga yaqin davom etdi. Kim Chen In Rossiya bilan munosabatlarni mustahkamlash niyatida ekanini ma’lum qilgan.
Izoh (0)