Abu-Dabi milliarderlar uchun yangi boshpanaga aylandi. Bu haqda M/HQ aktivlarni boshqarish bo‘yicha konsalting kompaniyasi ma’lumotlariga tayanib, Bloomberg xabar berdi.
Ayni paytda Abu-Dabi erkin iqtisodiy zonasida 2016-yilda 46 taga nisbatan 5 mingdan ortiq xususiy korxona ro‘yxatga olingan. Biznes markazidagi tadbirkorlarni xorijiy yurisdiksiyalardan aktivlarni himoya qilish kafolati va BAAning ikki tomonlama soliq to‘lash bo‘yicha shartnomalaridan foydalanish imkoniyati o‘ziga jalb qiladi. Bundan tashqari, yirik investorlar uzoq muddatli yashash uchun ruxsatnoma yoki mamlakat fuqaroligini olishlari mumkin.
Fors ko‘rfazidagi firmalarga maslahat beruvchi MENA Catalysts bosh direktori Sem Blatteys Bloomberg’ga Abu-Dabi erkin zonasi an’anaviy, ammo oldindan aytib bo‘lmaydigan Britaniya Virjiniya orollari va Kayman orollariga xavfsiz alternativa taklif qilishini aytdi.
Abu-Dabi global bozori vakili Abu-Dabining afzalliklari orasida eng kam ustav kapitaliga talablarning yo‘qligi, aksiyadorlarning fuqaroligi bo‘yicha cheklovlarning yo‘qligi va aksiyalarni o‘tkazish qulayligini sanab o‘tdi.
Xususan, Binance kriptobirjasining sobiq bosh direktori Changpeng Chjao va dunyodagi eng yirik Bridgewater xej-fondi asoschisi Rey Dalio allaqachon Abu-Dabi zonasiga ko‘chib o‘tgan.
Eslatib o‘tamiz, 2023-yilda Abu-Dabining hukmron shayxlari va Ol Nahayon sulolasi dunyodagi eng boy oila deb tan olingan, uning boyligi 305 milliard dollarga baholangan.
Izoh (0)