Абу-Даби миллиардерлар учун янги бошпанага айланди. Бу ҳақда М/HQ активларни бошқариш бўйича консалтинг компанияси маълумотларига таяниб, Bloomberg хабар берди.
Айни пайтда Абу-Даби эркин иқтисодий зонасида 2016 йилда 46 тага нисбатан 5 мингдан ортиқ хусусий корхона рўйхатга олинган. Бизнес марказидаги тадбиркорларни хорижий юрисдикциялардан активларни ҳимоя қилиш кафолати ва БААнинг икки томонлама солиқ тўлаш бўйича шартномаларидан фойдаланиш имконияти ўзига жалб қилади. Бундан ташқари, йирик инвесторлар узоқ муддатли яшаш учун рухсатнома ёки мамлакат фуқаролигини олишлари мумкин.
Форс кўрфазидаги фирмаларга маслаҳат берувчи MENA Catalysts бош директори Сем Блаттейс Bloomberg’га Абу-Даби эркин зонаси анъанавий, аммо олдиндан айтиб бўлмайдиган Британия Виржиния ороллари ва Кайман оролларига хавфсиз альтернатива таклиф қилишини айтди.
Абу-Даби глобал бозори вакили Абу-Дабининг афзалликлари орасида энг кам устав капиталига талабларнинг йўқлиги, акциядорларнинг фуқаролиги бўйича чекловларнинг йўқлиги ва акцияларни ўтказиш қулайлигини санаб ўтди.
Хусусан, Binance криптобиржасининг собиқ бош директори Чангпенг Чжао ва дунёдаги энг йирик Bridgеwаter хеж-фонди асосчиси Рей Далио аллақачон Абу-Даби зонасига кўчиб ўтган.
Эслатиб ўтамиз, 2023 йилда Абу-Дабининг ҳукмрон шайхлари ва Ол Наҳаён сулоласи дунёдаги энг бой оила деб тан олинган, унинг бойлиги 305 миллиард долларга баҳоланган.
Изоҳ (0)