Netanyaxu kelishuv tugaganidan so‘ng Isroil G‘azodagi janglarni qayta boshlashini tasdiqladi

Isroil hozirgi gumanitar pauzadan so‘ng darhol G‘azo sektoridagi harbiy amaliyotlarini qayta boshlaydi.

Buni Isroil bosh vaziri Binyamin Netanyaxu tasdiqladi.

O‘tgan haftada biz garovga olingan o‘nlab fuqarolarimizni qaytarishda ulkan muvaffaqiyatlarga erishdik. Bir hafta oldin bu tasavvur qilib bo‘lmaydigandek tuyulishi mumkin edi, ammo biz bunga erishdik. Biroq so‘nggi kunlarda bir savolni ko‘p eshityapman: Isroil garovga olinganlarni qaytarishning bu bosqichi tugagandan so‘ng jangga qaytadimi? Buning javobi aniq “Ha”, — dedi Netanyaxu.

Eslatib o‘tamiz, 7-oktyabr kuni erta tongda HAMAS Isroilga raketa hujumini uyushtirdi. Isroil armiyasi bunga javoban “urushga tayyorlik holati”ni e’lon qildi. 8-oktyabr kuni esa Isroil mamlakat “urush holati”ga kirganini rasman e’lon qildi. Operatsiya “Temir qilichlar” deb nomlangan.