Bundestag prezidenti Berbel Basning sochi va bo‘yanishi uchun Germaniya davlat g‘aznasidan 2022-yil 13 ming yevrodan ortiq mablag‘ sarflandi. Bu haqda Bild xabar berdi.
Tegishli summa “Germaniya uchun alternativ” partiyasining so‘rovi tufayli oshkor qilindi. Jumladan, birgina 2022-yilda “vizajistlar, kosmetologlar va grimyorlar”ga 13 270 yevro — oyiga ming yevrodan ortiq sarflangan. Bundan tashqari, 2023-yilda ushbu xizmatlar uchun 11 970 yevro to‘langan.
Nemis siyosatchilari Bas lavozimga kelganidan keyingi dastlabki bir necha oy ichida (2021-yil oktyabr oyi oxirida) uning tashqi ko‘rinishi uchun g‘aznadan atigi 457 yevro sarflanganini aniqladi. U lavozimga kirishgunga qadar bu sohalardagi xarajatlar 2017-2020 yillarda 0 yevroni tashkil qilgan. Biroq prezidentning tashqi ko‘rinishi boshqa siyosatchilarni ham tashvishga solmoqda.
Yil boshida nemis ommaviy axborot vositalari Germaniya Tashqi ishlar vazirligi rahbari Annalena Barbok 2022-yilda stilistlar va vizajistlar uchun 136 552 yevro sarflagani haqida maʼlumot tarqatgandi. Germaniya kansleri Olaf Shols esa o‘tgan yili vizajistlar xizmati uchun 40 ming yevro to‘lagan. Bild hisob-kitoblariga ko‘ra, Bas Bundestag prezidenti sifatida oyiga deyarli 20 ming yevro maosh oladi.
Izoh (0)