ЛУКОЙЛ — Ўзбекистон “Яшил макон” миллий лойиҳаси доирасида Тошкентдаги Ботаника боғида — пойтахтимиз фуқароларининг севимли табиат бурчагида ободонлаштириш ва кўкаламзорлаштириш бўйича навбатдаги экологик акцияни ўтказди.
Дарахт экиш 2015 йилдан бери “ЛУКОЙЛ -Ўзбекистон” учун мунтазам экологик акцияга айланди. 8 йил давомида Компания ёрдамида минглаб дарахт ва буталар экилиб, улар Тошкент, Бухоро ва Қарши шаҳарларининг яшил зийнати ҳамда ўша шаҳарлар аҳолиси учун сояли салқин жойларга айланди.
Бу сафар ЛУКОЙЛ компанияси кўмагида Тошкент шаҳрининг марказий қисмида жойлашган Ботаника боғи ҳудудидаги тошлоқ ерлар унумдор тупроқ билан алмаштирилди, ўнлаб манзарали дарахтлар ва буталар экилди, ўриндиқлар ўрнатилди.
Шуни таъкидлаш жоизки, бу ЛУКОЙЛ компаниясининг Тошкент шаҳридаги Ботаника боғини ободонлаштириш бўйича учинчи эко-акциясиясидир. Ўтган йилдан бошлаб Ботаника боғига кириш жойи арчадан ясалган ҳайвонларнинг яшил шакллари билан безатилган, компания ходимлари томонидан илгари экилган юзлаб декоратив гуллар эса кўтаринки кайфиятни яратмоқда.
ЛУКОЙЛ компаниясининг эко-акцияси “Яшил макон” миллий лойиҳасини қўллаб-қувватлашга ҳисса қўшмоқда. Республикани кўкаламзорлаштириш бўйича “Яшил макон” лойиҳаси Президентимиз ташаббуси билан 2021 йил ноябрь ойидан бошлаб амалга оширилмоқда. Дастурнинг янги мавсуми 25 октябрдан 1 декабрга қадар давом этади. 45 кун ичида республика бўйлаб 85 миллион кўчат экиш режалаштирилган, бу кунига деярли 2 миллион дона.
ЛУКОЙЛ компанияси ўз фаолиятида энг юқори экологик стандартларга амал қилади.
Табиий ресурслардан оқилона фойдаланиш ва қулай экологик вазиятни сақлаб қолиш учун жамият олдидаги масъулиятни онгли равишда қабул қилиш лойиҳаларни амалга оширишда компаниянинг асосий устувор йўналишларидан биридир.
Реклама ҳуқуқи асосида.
Изоҳ (0)