Toshkent shahrida O‘zbekistonda ilk bor xalqaro ko‘chmas mulk forumi o‘tkazildi. Tadbir Rizomulk Group kompaniyasi tomonidan, O‘zLiDep va Riyeltorlar Gildiyasi bilan hamkorlikda tashkil etildi. O‘zaro muloqotda ko‘chmas mulk bozorini rivojlantirish masalalari muhokama qilindi. Sohada o‘z o‘ringa ega bo‘lgan kompaniyalardan hisoblangan Rizomulk asoschilaridan biri Muhammadrizo Abdusattorov forum haqida o‘z fikrlarini bildirdi.
“To‘rt yildan beri ko‘chmas mulk sohasida ishlaymiz. Shu vaqt davomida sohada bir qator muammolarni ko‘rdik. Masalan, ipoteka, subsidiya, quruvchi kompaniyalar bino qurish uchun ruxsatnoma olishida, binoni qurib bitkazishgacha bo‘lgan jarayonda ko‘plab muammolar bor. Biz bundan bir avval ko‘chmas mulk bozori rivojlanishiga hissa qo‘shish maqsadida Rizomulk kompaniyasiga asos soldik.
O‘ylaymanki, bugungi forum ham mazkur maqsadlarimiz yo‘lidagi muhim qadamlardan biri bo‘ldi. Chunki sohaga aloqador insonlar davlat tashkilotlarining masʼul vakillaridan savollariga javob oldi. O‘zaro muloqot qilinib, muammolarni yechish yo‘llari izlandi. Hozirda kompaniyamiz tomonidan yangi innovatsion onlayn platforma ishlab chiqildi, mazkur platforma ko‘chmas mulk obyektlari oldi-sotdisini osonlashtiradi”, — dedi tadbirkor.
Tadbir davomida Rizomulk Group kompaniyasi o‘zining yangi mahsuloti – ko‘chmas mulkni sotish va sotib olish platformasini taqdim etdi. Aytilishicha, www.rizomulk.uz ko‘chmas mulk sohasida yangi qo‘llanmaga aylanadi. Platformaning o'ziga xos xususiyati shundaki, unga ko‘chmas mulk obyektini sotib olish uchun so'rovni joylashtirish imkoniyati mavjud. Qiziqarli Tomoni shundaki, ilgari hech bir platforma va sayt bunday imkoniyatga bo‘lmagan.
Forumda moliya va bank, notarius, kadastr, soliq vakillari, investorlar hamda ko‘chmas mulk sohasi mutaxassislari ishtirokchilarni qiziqtirgan savollarga javob qaytardi.
“Oxirgi yetti yilda respublikada qurilish sohasiga ajratilgan ipoteka kreditlari hajmi 64 trillion so‘mdan oshgan. Bu juda ham katta ko‘rasatkich. O‘tgan yili qariyb 328 mingdan ortiq ko‘chmas mulk obyektlari oldi–sotdi qilingan. Joriy yilning o‘tgan 9 oyi davomida esa 260 mingta ko‘chmas mulk rasmiylashtirilgan. Hozirda qurilayotgan binolar juda ham ko‘p va ularga bo‘lgan talab ham yuqori”, — deydi O‘zLiDep bo‘lim mudiri Baxtiyor Ruhiddinov.
Toshkent shahrida faoliyat yurituvchi notarius Nargis Meyliyeva ham forum ishtirokchilar uchun juda foydali bo‘lganini taʼkidladi.
“Bugungi kunda notariuslarga fuqarolar va yuridik shaxslar tomonidan ko‘chmas mulklarni rasmiylashtirish bo‘yicha murojaatlar soni ortib bormoqda. Qurilayotgan yangi binolarni albatta noratiusda rasmiylashtirish shart bo‘ladi. Shu maʼnoda forumda notariat sohasida qanday yangiliklar borligi va ko‘chmas mulklarni rasmiylashtirish bilan bog‘liq yangi tartiblar to‘g‘risida ham gaplashdik”, — dedi mutaxassis.
Forum davomida mutaxassislar tomonidan sohaga doir savollarga javob berish bilan birga, ko‘chmas mulk bozorini rivojlantirish bo‘yicha takliflar bildirildi.
Murojaat uchun: +998 77 070 71 44
Instagram: @rizomulk
Reklama huquqi asosida.
Izoh (0)