O‘zbekiston Advokatlar palatasiga yangi rais saylandi

Shuhrat Sodiqov O‘zbekiston Advokatlar palatasiga rais etib saylandi. Bu haqda palata matbuot xizmati xabar berdi.

U Adliya vaziri kiritgan taqdimnomaga binoan, 18-noyabr kunidagi Advokatlar palatasining IV konferensiyasida Advokatlar palatasi raisi etib saylandi. Bunga qadar Advokatlar palatasi raisining birinchi o‘rinbosari lavozimida ishlab kelayotgan edi.

Shuhrat Sodiqov1962-yilda Samarqand viloyatida tug‘ilgan, 1988-yilda Samarqand davlat universitetini tamomlagan. U o‘z mehnat faoliyatini turli xil tashkilotlarda huquqshunos, advokatlik tuzilmalarida advokat, Xalq deputatlari Samarqand viloyat kengashi deputati, Xalq deputatlari Samarqand viloyat kengashining Sud-huquq masalalari bo‘yicha komissiyasi raisi lavozimlarida faoliyat olib borgan.

2018-yilning noyabridan buyon Advokatlar palatasiga Alim Ernazarov raislik qilib kelayotgandi. 

Advokatlar palatasining konferensiyasi palataning yuqori organi bo‘lib, besh yilda kamida bir marta chaqiriladi.