Prezident farmoni bilan Tadbirkorlikni rivojlantirish kompaniyasi tadbirkorlarni samaradorlik ko‘rsatkichlaridan kelib chiqib, qo‘llab-quvvatlashi joriy etilmoqda.
Endilikda milliy va xorijiy valyutada kichik hamda o‘rta tadbirkorlarga ajratiladigan kredit, lizing, bank kafolati hamda akkreditivlarga 500 million so‘mdan 5 milliard so‘mgacha kafillik yordami berish ko‘zda tutilmoqda.
Bunda kompaniyaga murojaat qilmasdan banklar vositachiligida portfel kafilligini taqdim etish oqali tadbirkorning 5 ish kuni tejalmoqda.
Yaxshi va undan yuqori kredit tarixiga ega tadbirkorlarga qo‘shimcha kreditlar bo‘yicha takroran (amalda tadbirkorga bitta kredit uchun beriladi) kafillik berish orqali uning faoliyatini kengaytirish ko‘zda tutilmoqda.
Amalda kafillik kichik tadbirkorlarga faqat milliy valyutadagi kreditlarga 2,5 milliard so‘mgacha taqdim etiladi.
Maʼlumot uchun, 2018–2023-yillarda 14 ming nafar tadbirkorning 27 trillion so‘m kreditlari bo‘yicha 10,5 trillion so‘mlik kafillik taqdim etilgan.
Avvalroq ustav kapitali 300 milliard so‘m bo‘lgan Tadbirkorlikni rivojlantirish kompaniyasi tashkil etilayotgani haqida xabar qilingan edi.
Izoh (0)