Vazirlar Mahkamasining qarori bilan “20 ming tadbirkor — 500 ming malakali mutaxassis” dasturini amalga oshirish bo‘yicha chora-tadbirlar to‘g‘risida”gi hukumat qaroriga o‘zgartirish va qo‘shimchalar kiritildi.
Tuzatishlar kambag‘allikni qisqartirishda tadbirkorlik subyektlarini manfaatli hamkorlikka yanada keng jalb qilish va ularga qo‘shimcha qulayliklar yaratilishi munosabati bilan kiritilmoqda.
Xususan, qarorga quyidagilarni nazarda tutuvchi o‘zgartirish va qo‘shimchalar kiritildi:
- kambag‘allikni qisqartirish va bandlik vaziri hamda iqtisodiyot va moliya vazirining birinchi o‘rinbosarlariga “20 ming tadbirkor — 500 ming malakali mutaxassis” dasturi doirasida 200 tadan ortiq ish o‘rni yaratadigan tadbirkorlik subyektlari bilan hamkorlik shartnomasini tuzish huquqini berish (amaldagi tahririda – huquq faqat vazirlarga beriladi).
Hujjat qonun hujjatlari maʼlumotlari milliy bazasida eʼlon qilingan va 2023-yil 6-noyabrdan kuchga kirdi.
Avgust boshlarida Shavkat Mirziyoyev raisligida o‘tkazilgan yig‘ilishda tadbirkorlar yer va mol-mulk soliqlari bo‘yicha hisobot topshirmasligi belgilangandi. Iyul oyida esa O‘zbekiston hukumati qarori bilan “20 ming tadbirkor — 500 ming malakali mutaxassis” dasturi doirasida tadbirkorlik subyektlariga soliq va bojxona imtiyozlari hamda preferentsiyalarni qo‘llash tartibi to‘g‘risida”gi nizom qabul qilingandi.
Nizomga ko‘ra, Ijtimoiy himoya yagona reyestriga kiritilgan fuqarolar kamida 1 yil davomida ish bilan ta’minlangan va ular jami ishchilar sonining kamida 20 foizini tashkil etgan tadbirkorlar mol-mulk va yer solig‘i bo‘yicha soliq imtiyozlaridan foydalanish huquqiga ega bo‘ladi.
Izoh (0)