O‘zbekiston 2023-yilning yanvar-sentyabr oylarida xorijdan qiymati 178,2 million dollarga teng bo‘lgan qariyb 2,6 million dona barcha turdagi mobil telefonlardan import qilgan. Bu haqda Statistika agentligi xabar berdi.
Qayd etilishicha, mobil telefonlar importi 2022-yilning mos davri bilan solishtirilganda 398 361 taga oshgan.
O‘zbekiston 2023-yilning 9 oyida eng ko‘p mobil telefon import qilgan davlatlar:
- Xitoy – 2,3 mln dona;
- Vyetnam – 223,1 ming dona;
- Hindiston – 32,5 ming dona;
- BAA – 7,7 ming dona;
- Qozog‘iston – 2,5 ming dona.
O‘zbekistonga 2022-yilning yanvar—noyabr oylarida xorijdan qiymati 181,6 million dollarga teng bo‘lgan 2,7 million dona mobil telefon import qilingandi. Ularning aksariyati (2,1 million donasi) Xitoydan olib kelingan. 2023-yilning 1-yanvar holatiga O‘zbekistonda mobil aloqa bilan ta’minlangan abonentlar soni qariyb 32 million nafarni tashkil etgan.
Izoh (0)