Vazirlar Mahkamasining “Raqobat muhitini baholashning samarali tizimini joriy etish chora-tadbirlari to‘g‘risida”gi qarori qabul qilindi.
2023-yil 1-yanvarda Monopoliyaga qarshi kurashish qo‘mitasi tomonidan har yili Oliy Majlis Senatiga axborot beriladigan Raqobat rivojlanishi indeksi joriy qilingan. Hujjatga muvofiq, quyidagi vazirlik va idoralar har yili 1-aprelga qadar Raqobat qo‘mitasiga indeksni shakllantirish uchun kerak bo‘lgan maʼlumotlarni taqdim etadi:
- Davlat aktivlarini boshqarish agentligi;
- Statistika agentligi;
- Iqtisodiyot va moliya vazirligi;
- Adliya vazirligi;
- Energetika vazirligi;
- Transport vazirligi.
Taqdim etiladigan maʼlumotlar:
- tegishli bozorlarda davlat ulushlarini qisman yoki to‘liq sotish uchun davlat tomonidan huquqiy hujjat qabul qilinishi kerak yoki kerak emasligi to‘g‘risida maʼlumot;
- davlat korxonalarini boshqarish mexanizmlari to‘g‘risida maʼlumot;
- davlat xaridlari va ommaviy tenderlarda ishtirok etish talablari;
- davlat xaridlarida berilgan imtiyozlar (agar mavjud bo‘lsa);
- qonunchilik hujjatlarini ishlab chiqishda manfaatdor shaxslarning ishtiroki to‘g‘risida umumiy maʼlumotlar va asoslovchi hujjatlar va boshqalar.
Taqdim etilgan maʼlumot asosida indeks shakllantiriladi va OAVda eʼlon qilinadi. Raqobat qo‘mitasi har yili 1-iyunga qadar Oliy Majlis Senatiga o‘tgan yildagi davrdagi indeksning holati bo‘yicha hisobot beradi.
Hujjat qonun hujjatlari maʼlumotlari milliy bazasida eʼlon qilingan va 2023-yil 30-oktyabrdan kuchga kirdi.
Avvalroq O‘zbekistonda raqobat sohasidagi davlat siyosatining asosiy yo‘nalishlari belgilangani, raqobatga oid qonunchilik hujjatlarini buzganlik uchun maʼmuriy javobgarlik kuchaytirilishi to‘g‘risida xabar berilgandi.
Izoh (0)