O‘zbekistonda so‘nggi uch yilda 2 mingdan ortiq kishi ota-onalik huquqidan mahrum qilindi. Bu haqda adliya vaziri o‘rinbosari Sherzod Rabbiyev “Bolalarni zo‘ravonliklarning barcha shakllaridan himoya qilish to‘g‘risida”gi qonuni loyihasi muhokamasiga bag‘ishlangan davra suhbatida aytib o‘tdi, deb yozadi “Hudud24”.
“O‘zbekistonda so‘nggi 3 yilda 2 mingdan ortiq kishi ota-onalik huquqidan mahrum qilingan. Ularning mutlaq katta qismi – 86 foizida ota-onalik majburiyatlarini bajarmaganlik, 14 foizi esa bolalarini tashlab ketgani, ularga jismoniy va ruhiy tazyiq o‘tkazganligi, ichkilikbozlik va giyohvandlik moddalariga berishi yoki bolasi yoki eri (xotini) hayoti-sog‘ligiga qasddan jinoyat sodir etish sabab bo‘lgan”, — deydi vazir o‘rinbosari.
Avvalroq Iqtisod fanlari doktori, professor Barnogul Sanaqulov oiladagi zo‘ravonlikning eng katta qurboni bolalar ekanini taʼkidlagandi. U, shuningdek, qonun qabul qilinishi vaziyatning 50 foizigagina taʼsir ko‘rsatishini, qolgan 50 foiz bu zo‘ravonlikka uchragan ayollar, erkaklar qonunni qanchalik darajada talab qilish savodxonligiga egaligiga bog‘liq ekanini qayd etgan.
Izoh (0)