Hindiston janubi-sharqidagi Andxra-Pradesh shtatida yo‘lovchi poyezdi relsdan chiqib ketdi. Tezyurar poyezdning to‘xtab turgan yo‘lovchi poyezd bilan to‘qnashishi oqibatida kamida o‘n uch kishi halok bo‘ldi, deb xabar bermoqda NDTV.
Hukumatdagi manbaning ma’lum qilishicha 40 ga yaqin odam jarohat olgan.
Poyezd Andxra-Pradesh shtatidagi Vizag shahridan Rayagadu shahriga ketayotgan edi. Poyezd harakati havo kabelining uzilishi tufayli to‘xtab qolgan, shundan so‘ng unga tezyurar poyezd urilib ketgan. Zarba oqibatida uchta vagon relsdan chiqib ketgan.
Voqea joyiga bir necha tez yordam brigadalari yuborildi.
Avvalroq Bangladeshda yuk va yo‘lovchi poyezdining to‘qnashuvi oqibatida kamida 15 kishi halok bo‘lgan, 100 dan ortiq kishi jarohatlangan.
Iyun oyi boshida Hindistonda poyezdlar to‘qnashuvi sabab 300 dan ortiq odam hayotdan ko‘z yumgan.
Izoh (0)