Hindistonda mamlakat sharqida poyezd to‘qnashuvi sodir bo‘lgan joyda qutqaruv ishlari yakunlandi. 300 dan ortiq odam halok bo‘ldi, deya xabar beradi Associated Press. Press Trust of India ma’lumotlariga ko‘ra, 1100 dan ortiq odam jabrlangan.
Fojia yuz bergan Balasor shahri yaqinidagi shifoxonalar to‘lgan. Mazkur hududga boshqa viloyatlardan shifokorlar kelmoqda. 100 ga yaqin qurbonning ahvoli og‘ir. To‘qnashuv joyida tiklash ishlari olib borilmoqda, 1 mingdan ortiq odam va maxsus texnika jalb qilingan.
Odisha shtati yong‘in xavfsizligi boshlig‘i Sudxanshu Sarangi jurnalistlarga shanba kuni kechqurun yana 15 kishining jasadi topilganini ma'lum qildi. Izlash va qutqaruv ishlari tun bo‘yi davom etdi.
Izoh (0)