Hindiston hukumati ma’lumotlariga ko‘ra, mamlakat sharqidagi Odisha shtatida yuz bergan poyezd halokatiga elektron signalizatsiya tizimidagi nosozlik sabab bo‘lgan. Hindiston temiryo‘l transporti vaziri Ashvini Vayshnav 4-iyun kuni tergov jarayonini izohlar ekan, fojianing sababini shunday atadi, ammo batafsil ma’lumot bermadi.

“Biz hodisa sabablarini va aybdorlarni aniqladik”, — deya uning so‘zlaridan iqtibos keltirgan ANI agentligi.

Vazirning aytishicha, qo‘shimcha tafsilotlar tergov bo‘yicha yakuniy hisobot eʼlon qilinganidan keyingina maʼlum bo‘ladi.

2-iyun oqshomida Odisha shtatida 3 ta poyezd to‘qnashuvi oqibatida 300 dan ortiq odam halok bo‘ldi, 900 dan ortig‘i jarohatlandi. Bu Hindistonda so‘nggi 20 yildagi eng dahshatli temiryo‘l halokatiga aylandi. Mamlakat hukumatining rasmiy bayonotida aytilishicha, Odisha shtati hududida yo‘lovchi poyezd harakatsiz turgan yuk poyezdiga urilgan va izdan chiqib ketib, qarama-qarshi yo‘nalishda harakatlanayotgan boshqa yo‘lovchi poyezdiga urilgan.

Hindiston bosh vaziri Narendra Modi voqea joyiga tashrif buyurgan. U shifoxonada jabrlanganlar bilan ham uchrashgan va hukumat ularning da’volanishi uchun barcha ishni qilishiga va’da bergan. Mamlakatda halokat qurbonlari xotirasiga motam e’lon qilingan.