O‘zbekiston prezidenti Shavkat Mirziyoyev 28-oktyabr kuni Qozog‘iston prezidenti Qosim-Jo‘mart To‘qayev bilan telefon orqali muloqot qildi. Bu haqda prezident matbuot xizmati xabar berdi.
Prezident muloqot davomida To‘qayevga Qarag‘anda viloyatidagi konda ro‘y bergan avariyaning fojiali oqibatlari munosabati bilan samimiy hamdardlik bildirgan. Hozirgacha portlash qurbonlari soni 32 nafarni tashkil qilmoqda, 14 nafar konchini qidirish ishlari davom etmoqda.
Mirziyoyev kon ichida qolayotgan konchilar tez fursatda qutqarilishiga umid bildirgan, hodisa oqibatlarini bartaraf etishda O‘zbekiston zarur ko‘mak ko‘rsatishga tayyorligini taʼkidlagan.
Bundan tashqari, ikki tomonlama va mintaqaviy ahamiyatga molik dolzarb masalalar ham muhokama qilingan.
Avvalroq Qozog‘iston prezidenti halokat holatlari aniqlanib, jarohatlanganlar va halok bo‘lgan konchilarning oila a’zolariga zarur yordam ko‘rsatilishini aytgandi. U avariya holatlariga oydinlik kiritish va tegishli choralarni ko‘rishni buyurgan.
Izoh (0)