Ўзбекистон президенти Шавкат Мирзиёев 28 октябрь куни Қозоғистон президенти Қосим-Жўмарт Тўқаев билан телефон орқали мулоқот қилди. Бу ҳақда президент матбуот хизмати хабар берди.
Президент мулоқот давомида Тўқаевга Қарағанда вилоятидаги конда рўй берган авариянинг фожиали оқибатлари муносабати билан самимий ҳамдардлик билдирган. Ҳозиргача портлаш қурбонлари сони 32 нафарни ташкил қилмоқда, 14 нафар кончини қидириш ишлари давом этмоқда.
Мирзиёев кон ичида қолаётган кончилар тез фурсатда қутқарилишига умид билдирган, ҳодиса оқибатларини бартараф этишда Ўзбекистон зарур кўмак кўрсатишга тайёрлигини таъкидлаган.
Бундан ташқари, икки томонлама ва минтақавий аҳамиятга молик долзарб масалалар ҳам муҳокама қилинган.
Аввалроқ Қозоғистон президенти ҳалокат ҳолатлари аниқланиб, жароҳатланганлар ва ҳалок бўлган кончиларнинг оила аъзоларига зарур ёрдам кўрсатилишини айтганди. У авария ҳолатларига ойдинлик киритиш ва тегишли чораларни кўришни буюрган.
Изоҳ (0)