O‘zbekiston prezidenti Shavkat Mirziyoyev Qozog‘iston prezidenti Qosim-Jo‘mart To‘qayevga hamdardlik bildirdi. Bu haqda prezident matbuot kotibi Sherzod Asadov ma’lum qildi.
Prezident Qarag‘anda viloyatidagi Kostenko nomidagi konda ro‘y bergan portlash oqibatida insonlar halok bo‘lgani va jarohat olgani munosabati bilan hamdardlik yo‘llagan. Mirziyoyev kon ichida qolayotgan konchilar tez fursatda qutqarilishiga umid bildirgan.
Qarag‘andadagi Kostenko konidagi portlash oqibatida 32 nafar konchi halok bo‘ldi, 14 nafarini qidirish ishlari davom etmoqda. 252 kishidan 205 nafari yer yuzasiga chiqarilgan, ulardan 18 nafari tibbiy yordamga murojaat qilgan.
Qozog‘iston prezidenti halokat holatlari aniqlanib, jarohatlanganlar va halok bo‘lgan konchilarning oila a’zolariga zarur yordam ko‘rsatilishini bildirgan. U avariya holatlariga oydinlik kiritish va tegishli choralarni ko‘rishni buyurgan.
Izoh (0)