Avstriyaning Karintiya federal yerining Diks shahri yaqinida o‘quv samolyotida bo‘lgan ikki nafar O‘zbekiston fuqarosi falokatga uchradi. “Dunyo” agentligining yozishicha, hodisa 4-oktyabr kuni sodir bo‘lgan.
O‘zbekiston elchixonasi xabariga ko‘ra, 21 yoshli K.N. va A.X. Sloveniyadagi Aviation Career Center aviamaktabining talabalari va hozirda Karintiya federal yeri klinikalarda davolanmoqda.
O‘zbekiston diplomatlari vatandoshlar bilan bog‘langan. Shifokorlarning xabar berishicha, K.N. va A.X.ga zarur yordam ko‘rsatilmoqda.
Shuningdek, elchixona Karintiya huquq-tartibot idoralari vakillari, tibbiyot muassasalari maʼmuriyati va boshqa tegishli tashkilotlar bilan aloqa o‘rnatgan va vaziyatni nazoratga olgan.
Sentyabr boshlarida Turkiyaning Istanbul shahrida qurolli otishma oqibatida o‘zbekistonlik fuqaro, Maxachqal’adagi portlashda to‘rt nafar o‘zbekistonlik vafot etgani to‘g‘risida xabar berilgandi.
Izoh (0)