“O‘zgidromet” respublika bo‘yicha 9—13-oktyabr kunlariga oid ob-havo prognozini e’lon qildi.
Unga ko‘ra, 9—11-oktyabrda O‘zbekiston hududining katta qismida quruq va o‘rtacha iliq ob-havo saqlanib turadi.
- Havo harorati asosan kechalari 11-16 daraja, kunduz kunlari 25-30 daraja bo‘ladi.
11-oktyabrda respublikaning shimoli-g‘arbiy hududlariga Qora dengiz hududlaridan sovuq va nam havo massalari kirib kelishi boshlanadi. Qoraqalpog‘iston Respublikasi va Xorazm viloyatida yomg‘ir yog‘adi, baʼzi joylarda shamol tezligi kuchayadi.
- Havo harorati 12-17 darajagacha pasayadi.
12—13-oktyabr kunlari sovuq va nam havo massalari kirib kelishi O‘zbekistonning barcha hududlariga tarqaladi. 12-oktyabrda, shuningdek, 13-oktyabrda kechasi va ertalab respublika bo‘yicha vaqti-vaqti bilan yomg‘ir yog‘adi. 13-oktabrda kunduzi faqat Farg‘ona vodiysi viloyatlarida yomg‘ir yog‘ishi saqlanib turadi. Shamol tezligi baʼzi joylarda 15-18 metr/sekundgacha kuchayishi kutilmoqda.
- Havo harorati kechalari 6-11 darajagacha, shimolda 2-7 darajagacha iliq, kunduz kunlari 12-17 darajagacha pasayadi.
Respublikaning tog‘li hududlarida 12—13-oktyabr kunlari vaqti-vaqti bilan yog‘ingarchilik (yomg‘ir, baʼzi joylarda qorga aylanadi) bo‘ladi.
“Bu ushbu mavsumda birinchi haqiqiy kuzgi sovuq kirib kelishi kuzatiladi”, — deyiladi xabarda.
“O‘zgidromet”ning 9—11-oktyabr kunlari uchun ob-havo ma’lumotlarida mamlakat hududida havo harorati 25-30 daraja atrofida bo‘lishi aytilgan edi.
Izoh (0)