Rossiyaning Samara viloyatida Honda miniveni va Hyundai avtomobili to‘qnashishi oqibatida O‘zbekiston fuqarolari halok bo‘lgandi. O‘zbekistonning Qozon shahridagi bosh konsulxonasi holat yuzasidan ma’lumot berdi.
Voqea 27-iyunga o‘tar kechasi yuz bergandi. Qirg‘iziston Tashqi ishlar vazirligi bergan ma’lumotda hodisa oqibatida olti kishi: ikki nafar Qirg‘iziston fuqarosi, to‘rt nafar O‘zbekiston fuqarosi halok bo‘lgani ma’lum qilingandi. Bosh konsulxona axborotiga ko‘ra, baxtsiz hodisa oqibatida 5 nafar O‘zbekiston fuqarosi halok bo‘lgan, 1 nafar fuqaro og‘ir ahvolda “Bolsheglushiskaya” davlat tibbiyot muassasasiga yetkazilgan.
Qayd etilishicha, hozirda qurbonlarning jasadlarini vatanga qaytarish ishlari olib borilmoqda. Ushbu masala bosh konsulxona nazoratida bo‘lib, Samara viloyati ma’muriyati va mas’ul idoralari bilan doimiy aloqa o‘rnatilgan.
Yo‘l harakati xavfsizligi davlat inspeksiyasi Samara viloyati boshqarmasi bergan ma’lumotga ko‘ra, jami olti kishi halok bo‘lgan, yana olti nafari tan jarohatlari bilan kasalxonaga yotqizilgan.
Izoh (0)