Futbol bo‘yicha Osiyo Chempionlar Ligasi guruh bosqichining 2-turida “Navbahor” 3-oktabr, seshanba kuni “Mumbay Siti”ga qarshi bahs olib bordi.

Uchrashuvning birinchi bo‘limida darvozalar ishg‘ol etilmadi. Qayd etib o‘tish joiz, Hindiston klubi vakili Greg Styuart 43-daqiqada penaltidan tepgan to‘pini darvozabon O‘tkir Yusupov qaytardi. 

Ikkinchi bo‘limda esa namanganliklar hisobni ochdi. 52-daqiqada Jamshid Iskanderov uzoqdan ajoyib zarba bilan darvozani ishg‘ol etdi. Oradan 6 daqiqa o‘tib, Oston O‘runovning qanotdan uyushtirib, uzatgan to‘pini Jasur Yaxshiboyev darvozaga joylab qo‘ydi. O‘yin so‘ngida esa Doniyor Abdumannopov uchrashuvga yakun yasovchi gol muallifiga aylandi. 

Ushbu g‘alabadan so‘ng Samvel Babayan shogirdlari ochkolari sonini 4 taga yetkazib oldi.

Eslatib o‘tamiz, Namangan jamoasi 1-turda Saudiyaning “Al-Hilol” klubi bilan 1:1 hisobida durang o‘ynagandi. 

OCHL

2-tur bahsi

3-oktabr, seshanba

“Navbahor” – “Mumbay Siti” 3:0

Gollar: 1:0 — 52 Jamshid Iskanderov, 2:0 — 58 Jasur Yaxshiboyev, 3:0 — 88 Doniyor Abdumannopov.

“Navbahor”: 1. O‘tkir Yusupov, 5. Milosh Milovich, 6. Ibrohim Yo‘ldoshev, 7. Oston O‘runov (19. Doniyor Abdumannopov, 82), 8. Jasurbek Yaxshiboyev (77. Asadbek Sobirjonov, 82), 10. Jamshid Iskanderov, 13. Filip Ivanovich, 14. Jamshid Boltaboyev, 22. Igor Golban, 23. Yovan Jokich, 91. Toma Tabatadze (21.Temurxo‘ja Abduxoliqov,72).

“Mumbay Siti”: 1. Purba Lachenpa, 4. Tiri, 5. Mehtab Singh, 6. Vikram Partap (29. Bipin Singh, 70), 7. Lalliagzuala Chhangte (23. Abdunosir El Xayati, 58), 8. Van Nieff, 18. Rostin Griffits, 24. Greg Styuart, 30. Jorje Pereyra Dias, 31. Akash Mishra, 45. Lalengmavia.

Ogohlantirishlar: Ibrohim Yo‘ldoshev (62), Jorje Pereyra Dias (66).