OCHL. “An-Nassr” Ronaldu gol urgan o‘yinda Tojikiston jamoasi ustidan irodali g‘alabaga erishdi (video)

Futbol bo‘yicha Osiyo Chempionlar Ligasi guruh bosqichi 2-turida “An-Nassr” 2-oktabr, dushanba kuni “Istiqlol”ga qarshi bahs olib bordi.

Uchrashuvning 44-daqiqasida Sebai hisobni ochdi. 66-daqiqada Ronaldu muvozanatni tikladi. 72-daqiqada esa Taliska Ar-Riyod klubini hisobda oldinga olib chiqdi. Oradan 5 daqiqa o‘tib, Taliska dublni rasmiylashtirdi. Shu tariqa “An-Nassr” navbatdagi 3 ochkosini qo‘lga kiritdi.

Eslatib o‘tamiz, Ar-Riyod jamoasi 1-turda Eronning “Persepolis” klubi ustidan g‘alabani qo‘lga kiritgandi. 

OCHL

2-tur bahsi

2-oktabr, dushanba

“An-Nassr” – “Istiqlol” 3:1

Gollar: 0:1 – 44 Sebai, 1:1 – 66 Ronaldu, 2:1 – 72 Taliska, 3:1 – 77 Taliska.

“An-Nassr”: Al-Akidi, Al-Ganam (Bushal, 86), Laport, Al-Avjami, Al-Nahli (Yahyo, 58), Brozovich (Al-Hassan, 83), Taliska (Al-Gannam, 86), Fofana, Al-Haybari, Garib, Ronaldu.

“Istiqlol”: Yatimov, Kartashyan, Gogua (Qurbonov, 15), Novoseles, Davlatmir, Jalilov, Panjshonbe, Jalilov (Karomatullozoda, 71), Sebai, Beganovich (Sulaymonov, 71), Kamolov (Mabatshoyev, 58).

Ogohlantirish: Sebai (77).