Gollivud aktyorlari orasida filmdagi rollarning qaysidir jihati yoqmagani uchun kata gonorardan voz kechganlari ham bor. Ularning ayrimlari bu rollardan bosh tortganidan afsuslansa, ayrimlari aksincha, hayotidagi boshqa muhim qaror tufayli mashhurlikka erishgan.
Kianu Rivz — “Tezlik 2: Kruiz nazorati”
Ssenariy haqida gap ketganda, Kianu Rivz o‘zining bor professionalligi va sezgirligini ishga soladi. Aktyor murakkab tryuklar amalga oshiriladigan ko‘plab loyihalarda suratga tushgan. Kianu Rivz Sandra Bullok bilan “Tezlik” filmida bosh rolni ijro etgan. Ushbu filmning suratga olish maydonchasi juftlik bir-biriga ko‘ngil qo‘ygan, biroq ikkalasi ham o‘z his-tuyg‘ularini tan olishdan, rad etilishdan qo‘rqqan.
Bu his-tuyg‘ular ularni filmning davomiy qismida rol o‘ynashga undashi mumkin edi, biroq Kianu filmning ikkinchi qismining ssenariysini o‘qib chiqqach, unga 12 million dollar taklif qilingan bo‘lsa ham, roldan bosh tortdi. Aktyor bu loyihaning o‘rniga “Iblis himoyachisi” filmida rol o‘ynadi. Dastlab Sandra Bullok ham bu loyiha borasidagi taklifni rad etdi, biroq u boshqa filmni suratga olish uchun zarur bo‘lgan pulni topishga qaror qildi.
Bryus Uillis — “Chegarasiz 3”
Bryus Uillis “O‘tda yonmas”, “Jinoiy asar”, “Oltinchi hissiyot” va boshqa mashhur filmlarda suratga tushganidan ko‘p o‘tmay, muvaffaqiyatsiz filmlarda rol o‘ynay boshladi. U har qanday ishni o‘z zimmasiga oldi va uning filmografiyasi muvaffaqiyatsizlikka uchradi. “Chegarasiz” filmi vaziyatni biroz saqlab qoldi, ammo filmning uchinchi qismida suratga tushishdan oldin u 3 millionlik gonorardan voz kechdi va 4 million dollar talab qildi. U bilan bog‘liq suratga olish jarayonlari esa to‘rt kun davom etgan bo‘lardi. Bu yondashuv Stallonega yoqmadi, u do‘sti bilan xayrlashib, uning o‘rniga Xarrison Fordni loyihaga oldi.
Maykl Kiton — “Betmen 3”
Betmen roli Maykl Kiton uchun yutuq bo‘ldi. U filmning ikkita qismida suratga tushdi, biroq ssenariyni o‘qib bo‘lgach, loyihaning uchinchi qismidagi rolidan voz kechdi. Ssenariy unga juda bema’ni va sifatsiz tuyuldi. Mayklga bu rol uchun 15 million taklif qilingan edi, bu 1990-yillarda hatto Gollivud olami uchun ham katta summa edi, biroq bu gonorar Maykl Kitonni ishontira olmadi, uning karyerasi bu rad etishdan keyin quladi. Aktyorning karyerasi 2014-yilda, “Qush odam” filmidagi rol uchun “Oskar”ni olganida qayta boshlandi.
Jim Kerri — “Eys Ventura 3”
Jim Kerri eng taniqli komedik aktyorlaridan biriga aylandi. Biroq, Jimning ishini hamma ham yoqtirmasdi. Tommi Li Jons Kerrini o‘ynagan rollari uchun omma oldida haqorat qilgan. Ehtimol, bu holat Jim Kerrining ongida nimanidir o‘zgartirgan bo‘lishi ham mumkin, chunki u vaqt o‘tib komedik rollardan dramatik rollarga o‘tdi, biroq baribir o‘z uslubini unutmadi va “Har narsaga qodir Bryus”, “Yolg‘onchi, yolg‘onchi” kabi filmlarda rol o‘ynadi. U “Eys Ventura” haqidagi uchinchi filmda ham rol o‘ynashi mumkin edi, biroq Jimga filmning ikkinchi qismidagi suratga olish jarayonlari unchalik yoqmadi, shuning uchun aktyor unga 10 million dollar taklif qilingan bo‘lsa ham, loyihaning uchinchi qismida suratga tushishdan bosh tortishga qaror qildi. Studiya dastlab to‘g‘ri tanlov qildi va loyihaning davomini yaratmaslikka qaror qildi, biroq oradan ko‘p o‘tmay “Kichik Eys Ventura” filmi tomoshabinlarga taqdim etildi.
Shon Konneri — “Uzuklar hukmdori”
Ba’zi aktyorlar qanday roldan voz kechayotganini ham bilishmaydi. Shon Konneri “Uzuklar hukmdori” va Gendalf qanday qahramon ekanligini tasavvur qila olmadi, shuning uchun u Piter Jeksonga rad javobini berdi. Buning uchun Shon Konneriga 30 million dollar va barcha filmlar uchun gonorarning 15 foizi va’da qilingan edi. O‘sha paytda butun trilogiya kassada 3 milliardga yaqin to‘planishini kam inson tasavvur qila olardi.
Hatto studiyaning reklama beruvchilari ham sinovdan o‘tgan namoyishlardan so‘nggina faollasha boshladi. Bundan oldin, faqat Piter Jekson o‘zining trilogiyasiga to‘liq ishongan va hatto uyini xavf ostiga qo‘ygan, studiya past to‘lovlar tufayli musodara qilishi mumkin edi. Agar Shon Konneri Gendalf rolini o‘ynashga rozi bo‘lganida, u taxminan 450 million olgan bo‘lardi.
Jodi Foster — “Gannibal”
“Gannibal” filmidagi Jodi Foster va Entoni Xopkinsning dueti kinodagi eng dahshatlilaridan biri. Jodi rolni juda ishonarli ijro etgan Entoni Xopkins bilan suratga tushishdan qo‘rqqanini tan olgan. Bu filmning ikkinchi qismini suratga olishdan oldin muhim rol o‘ynadi, unda Jodi Fosterga rolga qaytish taklif qilindi. Biroq u 15 million dollarga ham loyihada qatnashishga rozi bo‘lmadi.
Uill Ferrell — “Elf 2”
“Elf” filmi Yangi yil va Rojdestvo ramzlaridan biriga aylandi. Bu loyiha nomaqbul hazillarsiz va yaxshi aktyorlar ishtirok etgan oilaviy film. Unda Uill Ferrell bosh rolni o‘ynadi va filmning ikkinchi qismida ham suratga tushishi mumkin edi. Aktyorga 29 million taklif qilingan, ammo u davomiy filmlarda rol o‘ynamasligini aytib, rad javobini bergan.
Mett Deymon — “Avatar”
Mett Deymon o‘z faoliyati davomida “Born muqoyasasi”, “Marslik”, “Zakovatli Uill Hunting”, “Oushenning 11 do‘sti”, “Oddiy askar Rayanning qaytishi” va boshqa filmlarda suratga tushgan. Mett ishtirokidagi ushbu filmlar ro‘yxatga “Avatar”ni qo‘shish mumkin edi. Bosh rol uchun Deymonga barcha to‘lovlarning 10 foizi taklif qilingan. Ammo Mett bu taklifni rad etdi va deyarli 300 million dollarni yo‘qotdi. Buning sababi u navbatdagi film bilan band edi va suratga olishni kechiktirib, hamkasblarini tushkunlikka tushirishni istamadi.
Izoh (0)