Turli sabablarga ko‘ra biz ba’zi mashhurlarni yoshligida umuman eslay olmaymiz. Ko‘pincha bu ular o‘z karyeralarini juda kech boshlaganligi yoki yoshligida mashhurlikka erishgani bilan bog‘liq. AdMe nashri dunyo bo‘ylab mashhurlikka erishgan aktyorlarning yoshligidagi arxiv suratlarini taqdim etdi.
Xyu Lori
Xyu Lori aktyorlik faoliyatini talabalik yillarida boshlagan. U vatani Britaniyada “Qora qo‘ziqorin” (1983—1989-yillarda taqdim etilgan) komedik serialida suratga tushdi, ammo “Doktor Haus” teleserialida shifokor rolini ijro etganidan keyin dunyo bo‘ylab mashhurlikka erishdi. Bu paytda aktyor 40 yoshdan oshgan edi.
Emma Tompson
Emma Tompsonning har qanday obrazga aylanish qobiliyati hayratlanarli: u “Garri Potter”dagi Sivilla Treloni, “Qattiqqo‘l enaga” filmida bosh qahramon va “Kruella” filmidagi baronessa fon Xelman rollarini gavdalantirgan. Aktrisa o‘z faoliyatini sahnada va Britaniya televideniyesida boshlagan, shuning uchun dunyo tomoshabinlari uning yoshligini deyarli eslay olmaydi.
Reyf Fayns
“Garri Potter” filmida Voldemort rolini ijro etgan aktyor o‘z faoliyatini teatrda boshlagan va kino olamidagi debyutini 1992-yilda “Momaqaldiroqli yo‘l” filmida qilgan. Aktyor ushbu kinokartinada Xitkliff rolini o‘ynagan. Oradan bir yil o‘tgach, “Shindler ro‘yxati” filmining premyerasi bo‘lib o‘tdi, shundan so‘ng aktyor jahon miqyosidagi yulduzga aylandi. Qizig‘i shundaki, o‘sha paytda u 30 yoshdan oshgan edi.
Goldi Xoun
Goldi Xounning karyerasi “Kaktus guli” (1969-yilda suratga olingan) komediyasidagi Toni Simmons rolini ijro etishi bilan sezilarli darajada yuqoriladi va aktrisa ushbu roli uchun “Oskar”ni qo‘lga kiritdi. U 1990-yillardan keyin 4 yil davomida ekranlarda ko‘rinish bermadi, biroq keyin yana kino olamiga qaytdi va mashhur loyihalarda suratga tushdi.
Xarrison Ford
Xarrison Ford uchun mashhurlik sari yo‘l tikanli edi. Uning ba’zi epizodik rollari hatto titrlar qatoriga tushmadi va bir prodyuser hatto undan yaxshi aktyor chiqmasligini aytdi. Oqibatda yosh Ford avvallari uni juda o‘ziga jalb qilgan kasbidan ko‘ngli qoladi va duradgor bo‘lishga qaror qiladi. Biroq taqdir uni Jorj Lukasga olib keldi, buning natijasida Xarrison “Yulduzlar jangi” filmidagi Xan Solo rolini ijro etdi. Film chiqqanida u 35 yoshda bo‘lgan.
Gloriya Styuart
Ko‘plab tomoshabinlar Gloriya Styuartning “Titanik” filmidagi keksa Rouz rolini eslaydi. O‘sha paytda aktrisa 87 yoshda bo‘lgan. Biroq Gloriya 1930-yillarda Gollivud yulduzi bo‘lganini kam inson biladi. U “Eski qorong‘i uy” (1932-yil) va “Ko‘rinmas inson” (1933-yilda) kabi filmlarda suratga tushgan.
1945-yilda Styuart aktrisalikni tark etishga va rassom bo‘lishga qaror qildi, 1970-yillarda yana ekranlarga qaytdi. Aktrisa “Titanik” filmida rol ijro etguniga qadar bir nechta kinokartinalarda epizodik rollarni o‘ynadi.
Anjelika Xyuston
Anjelika Xyustonning ekrandagi debyuti o‘smirlik davrida bo‘lgan, ammo u oradan ko‘p o‘tmay modellik sohasi uni ko‘proq jalb qilishini tushundi. Aktrisa 1980-yillarning boshlarida, taxminan 30 yoshida, aktyorlik karyerasiga qaytdi va filmlarda epizodik rollarni ijro eta boshladi. Anjelika 1991-yilda “Addamlar oilasi” filmida eng mashhur qahramonlardan biri — Mortisha Addams obrazini gavdalantirdi va shundan keyin uning nomi ushbu film qahramoni bilan eslanadigan bo‘ldi.
Jeyson Momoa
Jeyson Momoani do‘konda ishlayotgan paytda ko‘rib qolishdi va “Malibu qutqaruvchilari” filmidan rol taklif qilishdi. Biroq, haqiqiy mashhurlik unga oradan 10 yil o‘tgach, “Taxtlar o‘yini” teleserialida Drogo rolini o‘ynaganidan keyin keldi.
Shon Konneri
Shon Konnerining mashhurlik sari yo‘li uzoq va mashaqqatli bo‘ldi. U shou-biznesdagi faoliyatini Qirollik teatrida usta sifatida boshlagan. Keyinchalik u qo‘shimcha rollarni ola boshladi. Aktyor pul topishning qo‘shimcha usullarini izladi, shu jumladan enaga sifatida ishlashga majbur bo‘ldi. Haqiqiy mashhurlik unga 30 yoshdan oshganida, maxfiy agent Jeyms Bond haqidagi birinchi beshta filmda ishtirok etganidan keyin keldi.
Helen Mirren
Helen Mirren qirolichalarning rolini ijro etganidan keyin mashhur bo‘ldi. U ikkita Yelizaveta va imperator Ketrin II rolini ijro etgan dunyodagi yagona aktrisa hisoblanadi. Uning tashqi ko‘rinishi bunday qahramonlar uchun juda mos keladi. Aktrisa yoshligida qanday ko‘rinishga ega bo‘lganini ko‘pchilik eslay oladi. U kinodagi karyerasini 20 yoshida boshlagan.
Jessika Chesteyn
Jessika Chesteynning professional sahnadagi debyuti 1998-yilda Shekspir asari asosida sahnalashtirilgan spektaklda Julyetta rolini o‘ynaganida bo‘ldi. U uzoq vaqt davomida teatrda ishlagan va teleseriallarda rol o‘ynagan. Aktrisa birinchi bosh rolini 2008-yilda “Jolin” filmida oldi. Jessikaning haqiqiy yutug‘i 2011-yilda oltita filmda, jumladan, “Yordam” va “Hayot daraxti”da suratga tushganida yuz berdi. O‘sha yili aktrisa 34 yoshga to‘ldi.
Ayris Apfel
Amerikalik kolleksioner va dizayner Ayris Apfel hozirda 101 yoshda. Uning yoshligida qanday ko‘rinishga ega bo‘lganini hech kim eslay olmaydi, chunki mashhurlik unga ancha keyinroq keldi. U 2019-yilda, 97 yoshida, modellik karyerasini IMG bilan imzolagan.
Izoh (0)